"Call me Ishmael"

!!!!الانترنت مررة صار ادماااااااان عندي

!!!يبغالي أمسك نفسي حبتين و لا ماراح اخلص الرسالة

لا واللي كمل الناقص مقدم خدمة الانترنت اتصلوا علي عندهم عرض يرفعو سرعة الاتصال لـ هاي سبيد بنفس سعر الـ بيسك سبيد اللي مشترك فيها دحين،،، و أنا يلالالا فوووقووو

المهم، الأسبوع الماضي صرت ألفلفلي على شلة مدونات سعودية إلين ما قلت آميين..و أتعرفت على أشياء جديدة في الانترنت ما كانت عارفها

التطويرات اللي صارت في مدونتي كلها من تحت راصهم

في واحدة من المدونات حصلت الجملة - المشهورة - دي

"Call me Ishmael"

طبعا أنا

:-o

و دحين على وش الفجرية، كالعادة ما جاني نوم

فقمت ألفلف تاني على الانترنت

(!عمى مو كنت طول اليوم قاعد على الانترنت)

فجيت أدور على أصل و فصل الجملة دي

وهادا اللي حصلته

"Call me Ishmael"

هي أول جملة تبتدئ بها رواية

Moby-Dick موبي-ديك

أو برضه لها اسم تاني

The Whale الحوت

الرواية لـ هرمن ميلفل - 1851م

رواية حق أبو 135 شبتر، أو ما يعادل 24 و نص ساعة من التسجيل الصوتي

،،،المهم

الرواية عن سفينة صيد حيتان، وقبطانها نصف المجنون - آهاب - اللي واصلة معاه و إلا يلاقي الحوت موبي-ديك و يصيدو

إشميل هو أحد الشخصيات الرئيسية في الرواية، يبدأ بتلك الجملة المشهورة كقاص أو راوي

و بعدين يظهر له دور في السفينة - كشخص حكيم و واعي (8

هنا تحصلوا نبذة عن الرواية في ويكيبيديا -باللغة الانجليزية

بالمناسبة
الاسم إشميل ارتبط بالشخص المنفي، المنبوذ أو اليتيم

لانه في الانجيل القديم، سيدنا إبراهيم (نفى) ولده إسماعيل من هاجر بأمر من زوجته سارة بعد ولادة ابنها اسحاق
فأصبح إسماعيل منفيا، منبوذا يتيما

يذكركم بأحد؟؟؟
:-p